MariñaPatrimonio comunicoulle a Consellería de Cultura o achádego casual dun novo petroglifo na Mariña

Nota de Prensa

NOVO PETRÓGLIFO NA MARIÑA

MariñaPatrimonio comunicoulle recentemente ao Servizo de Patrimonio Cultural da Consellería de Cultura, a aparición, de forma casual, dun novo petróglifo

Este novo petróglifo presenta temática xeométrica canónica (4 círculos concéntricos unidos por un trazo) e sería o primeiro en aparecer na Mariña con estas características.  É o exemplar máis setentrional de arte rupestre en Galiza, e presenta grandes similitudes con exemplos atopados no sur de Galiza e nas Illas Británicas.

No ano 2008, MariñaPatrimonio xa comunicara a  aparición de petróglifos no Castro da Atalaia de Cervo.

Estes excepcionais achádegos poden aportar novos datos para o estudo da prehistoria en Galicia e confirman a gran importancia arqueolóxica da Mariña.