O concello de Cervo recibiu a unha parella italiana do concello italiano de Cervo

Nota de Prensa
A PARELLA DE CERVENSES ITALIANOS CHEGOU HOXE AO CERVO GALEGO

Franco Barone e Eleanora Cuffaro, a parella de recen casados procedente de Cervo (Italia) chegou esta tarde ao Concello de Cervo para pasar tres días de estancia no Cervo galego. Nada máis chegar ao hostal “O Pazo” de San Ciprián procedentes do aeroporto de Lavacolla, Eleanora e Franco recibiron a benvida do alcalde de Cervo, Alfonso Villares e da concelleira de Asuntos Sociais, Pilar Armada; así coma polo propietario do local.

Unha vez estean instalados na súa habitación e descansen, a parella transalpina ten previsto cear con Alfonso Villares; e mañá ás 13.30 horas serán recibidos oficialmente na Casa do Concello.

A estancia deste matrimonio no concello mariñán forma parte da iniciativa posta en marcha hai dous anos polos concellos galego e italiano de Cervo durante os actos oficiais do seu irmandamento. Daquela ámbolos dous alcaldes acordaron que a primeira parella de cada un dos dous concellos que contraera matrimonio (civil ou relixioso) cada ano sería convidada a tres días de estancia con tódolos gastos pagados no concello homónimo ao do seu orixe. Esta idea persegue potenciar o vínculo iniciado entre estes dous concellos do mesmo nome.

A parella de cervenses galegos formada por Iraida Labori Sánchez e Ramón Díaz Salgado estiveron dende o pasado día 23 visitando o Cervo italiano