MAÑÁ ÁS ONCE DA NOITE TERÁ LUGAR O TERCEIRO SORTEO DO CAMPAÑAZO DO BINGO QUE ORGANIZOU ACIA FOZ EN NOVEMBRO.
Foz, 18 de novembro de 2010. Mañá venres 19 de novembro terá lugar ás 23 horas a terceiro sorteo do Campañazo do bingo que organizou ACIA Foz neste mes de novembro. O presidente da Asociación de Comerciantes, José Carlos Paleo, fai un balance moi positivo da marcha desta campaña, “resultou moi interesante, a xente os venres agarda por isto, sae tomar os viños ou a picar algo e despois seguen nos bares e restaurantes o xogo do bingo en canto da comezo o sorteo. Crea un ambiente moi bó na vila”.
O de mañá será o terceiro sorteo, pero aínda queda outro máis pendente para o 26 de novembro. Os gañadores dos bingos son agraciados cun talonario de cheques por valor de 300 euros para gastar no comercio focense ata o 31 de decembro. Paleo xa anuncia que “o Campañazo do bingo voltará en xaneiro. Marcámonos unha liña de traballo permanente e nesas imos estar ao longo dos vindeiros meses, sen esquecernos do Centro Comercial Aberto que é no que estamos a traballar principalmente”.