O último sorteo tivo lugar o 28 de xaneiro e o afortunado foi Emilio Fraga, que seguiu o sorteo no bar O Chícaro. A directiva de ACIA Foz Celia Núñez foi a encargada de entregarlle os 300 euros en vales de compra, que poderá gastar nos establecementos da vila ata o 31 de marzo. O presidente de ACIA Foz, José Carlos Paleo, asegura que “esta campaña foi un auténtico éxito, tanto agora en xaneiro coma no pasado mes de novembro”.
