O Concello de Cervo colabora coa S.D. Cervo-Sargadelos na mellora das instalación da Bidueira

Nota de prensa

O CONCELLO COLABORA COA S.D. CERVO-SARGADELOS NA MELLORA DAS INSTALACIÓNS DO CAMPO DA BIDUEIRA

Cervo, 5 de febreiro de 2011.- O concelleiro de Deportes, Rubén Fernández, dixo hoxe que o Concello vén de colaborar coa S.D. Cervo-Sargadelos na mellora das instalacións do campo de fútbol da Bidueira. A colaboración consistiu nos traballos de construción dunhas oficinas para o club xunto á zona de vestiarios. “Concretamente Concello aportou a man de obra, mentres que a S.D. aportou os materiais” indicou Fernández.

O edil de Deportes valorou positivamente o xeito de levar adiante este tipo de melloras nas infraestruturas de carácter deportivo do termino municipal. “Tentamos potenciar día a día a boa sintonía entre o Concello e os clubs do municipio para levar adiante obras necesarias que redunden no beneficio do deporte local e na súa práctica” indicou.

Por último, Rubén Fernández dixo que esta non era a primeira vez que Concello e a S.D. Cervo-Sargadelos traballan xuntos en obras de mellora nas instalacións do campo de fútbol cervense e lembrou que o pasado mes de novembro se levaron a cabo obras de mellora do tendido que subministra enerxía eléctrica ao campo por un valor de 17.235 euros que foron financiadas pola Xunta de Galicia