A Delegación de Cultura comunica a todos os veciños e veciñas de Ribadeo que o cadro que retrata ao Viejo Pancho, de Amando Suárez Couto, xa pode contemplarse na OMIC. Segundo explican desde Cultura “foi un traslado desde os baixos da Torre dos Moreno que se tería que ter feito antes, pero as condicións da obra facían temer pola súa conservación. Técnicos da Deputación de Lugo e agora Marta López Lozano, a quen agradecemos a súa colaboración desinteresada, fixeron posible que o cadro poida exporse nas condicións adecuadas”.