Xove/Foz (M.F.O) .- O C. B. Xove logrou en Santiago a súa cuarta vitoria en cinco partidos contra o Rosalía de Castro, colista da clasificación, por 70 puntos a 62. O equipo dirixido por Pablo Castro colócase así na oitava posición da táboa para recibir a próxima xornada ao Tuimil Electricidad.
Por outra banda o Celtas-Primera Calidad rompeu a racha de dúas vitorias consecutivas e perdeu na casa ( 56-64 ) contra o Preciosport.com . Os locais empezaron o partido con boas sensacións e chegaron a gañar por trece puntos, pero co paso dos minutos fóronse desinflando ata chegar a derrota final. Na próxima xornada visitará Marzán o Culleredo cuarto clasificado.
