Desde que Zapatero é presidente, e xa vai para 7 anos, o Partido Popular adoptou o método de censurar todas e cada unha das accións de Goberno dicindo que son “cousas que non interesan aos españois”. Ou esta outra de “isto agora non toca”, do que teremos que falar no seu momento.
O das cousas que “non interesan aos españois” hai que analizalo detidamente, porque ten un significado moi profundo. Para o PP, aos españois interésanos a economía, o traballo e que ETA se disolva, e nada máis.
Aínda que isto é certo, aínda que con reservas, porque nós entendemos por economía o que eles entenden por forrarse con pasta gansa e traxes regalados, non significa que non nos interesen outras cousas. A moitos tamén nos interesa a educación, o medio ambiente, os dereitos civís, a liberdade relixiosa, as novas tecnoloxías…
Cada vez que un político fai unha proposta sobre algún destes temas, alguén do PP sae á tribuna e di que iso “non interesa aos españois”. Pero, que pasa se resulta que nos interesa por centos de miles ou ata millóns de españois?
A resposta é moi sinxela. Para os líderes do Partido Popular, non somos españois. Así de fácil. Non crean e tal afirmación impórtame moito, pero se a cinco millóns de persoas impórtalles, por exemplo, a Lei de Memoria Histórica, pero iso “non interesa aos españois”, os que nos preocupamos por dita proposta que somos, chineses?
Para eles, máis ou menos, si. Porque só consideran españois a quen se pregue á súa autoridade, ás súas normas, á súa filosofía e ás súas corruptelas, é dicir, a quen lles voten. E en canto ao resto, máis ben preferirían que nos fósemos de España, de Galicia, de Lugo, da Mariña ou de Viveiro… ou que estivésemos nalgún furaco metidos, porque nos odian, desprézannos e non nos consideran os “Persoas que afogan os seus resentementos polas esquinas dixo un día o seu líder no monte perto de Santiago mentres o aire de toda Galicia fedía a chapapote.
Otero Regal