A empresa Gres Burela inviste 24 millóns de euros na construción dunha planta en Fazouro

Nota de prensa

MATERIALES CERÁMICOS S.A.U. INVISTE 24 MILLÓNS DE EUROS NA CONSTRUCCIÓN DUNHA NOVA PRANTA EN FAZOURO.

Burela, 22 de marzo de 2011. A empresa Materiales Cerámicos S.A.U. (Gres Burela) inviste 24 millóns de euros na construcción dunha nova pranta na localidade de Fazouro. Trátase dunhas instalacións de 40.000 metros cadrados, que se adicarán á producción de gres porcelánico.

As obras, que xa deron comezo, estarán listas no prazo dun ano. A dirección de Materiales Cerámicos S.A.U. asegura que a pranta dará traballo directo a 100 persoas e indirecto a unhas 250. Miguel Rey, xerente e propietario, subliña que “a posta en marcha destas instalacións terá moitas repercusións positivas para a economía da Mariña luguesa, e mais nos tempos de crise que estamos a vivir, nos que é prácticamente imposible a creación de emprego”.

A inversión total ascende a 24 millóns de euros, dos que 7.300.000 euros proveñen dun préstamo con fondos BEI (Banco Europeo de Inversiones) e 2.228.000 euros da concesión dunha subvención da Xunta a través do IGAPE. Miguel Rey considera que “estamos diante da maior inversión industrial que se realizará na provincia de Lugo ao longo dos vindeiros meses”.

A este proxecto industrial, que hoxe foi visitado polo conselleiro de Economía e Industria da Xunta, Javier Guerra, vai ligada a concesión eólica a Vendavales Galaicos de 18 megawatios por parte da administración autonómica.