Nota de prensa
A Deputación arranca hoxe a extensión da banda longa na provincia
– 50 consistorios e a Deputación contarán a mediados de abril con esta dotación tecnolóxica, que será decisiva para a implantación total e eficiente da Administración Electrónica, disparando a velocidade de conexión a Internet
– Gómez Besteiro deu conta hoxe en Triacastela do calendario de execución das obras, dotadas con 1 millón de euros e enmarcadas no plan Innova-TE
– O Presidente reclama á Xunta que axilice os seus plans de extensión de banda longa para non frear os avances realizados na e-Administración
Ó respecto, o Alcalde de dito municipio, Miguel Ángel Castela, asegurou que “temos moitos problemas para conectarnos a Internet, e mesmo para enviar un pequeno archivo mediante correo electrónica. O único servizo coa que contamos ata o momento foi posible grazas o Plan E do Goberno Central cuxos fondos permitíronnos instalar unha escasa sinal wifi da que se benefician os nosos veciños. A Xunta non fixo nada ó respecto no Concello, nin sequera o telecentro que trouxo á Casa Consistorial”.
Gómez Besteiro salientou que “no primeiro debate sobre demografía que celebramos na provincia, no Lugo Reacciona, expertos na materia concluíron que era necesario potenciar o desenvolvemento das novas tecnoloxías para frear a perda de poboación. Hoxe, o 50% dos municipios lucenses séntese aillado o non dispor de conexión a Internet. Por iso, a Deputación, dentro das súas posibilidades, achega a sinal wifi ás Casas Consistoriais e telecentros da provincia, un servizo que lles permitirá co Innova-TE interactuar de xeito inmediato coas administracións. Sen embargo, temos que insistirlle á Xunta o mesmo esforzo inversor para achegar a banda longa ós fogares; temos que pedirlle que anticipe, alomenos en Lugo, os seus plans que se enmarcan no horizonte do 2013 para garantir os mesmos dereitos, sen excepcións, a todos os cidadáns da Comunidade”.
As obras arrancan tamén de xeito inmediato noutros municipios da Montaña onde a complicada orografía fai difícil ó acceso á Rede. Ademais de mellorar a velocidade en todos os Concellos beneficiados, en 25 deles a banda longa servirá para desbloquear a posta en marcha da tramitación on line. Na actualidade, as Casas Consistoriais teñen unha capacidade de transmisión deficiente ou non axeitada.
ADSL, fibra, cable ou satélite
A dotación de banda longa facilitarase combinando catro solucións técnicas, determinadas pola empresa adxudicataria en función da infraestrutura dispoñible en cada lugar e co fin de dar o mellor servizo posible en cada caso. Na maioría dos Concellos darase cobertura por ADSL, como ocorrerá en Cervo, Mondoñedo, A Pontenova, Lourenzá, Muras, Abadín, A Pastoriza, Castro de Rei, Begonte, Guitiriz, Riotorto, Meira, Pol, A Fonsagrada, Becerreá, Barralla, Pedrafita do Cebreiro, Friol, O Corgo, Portomarín, Rábade, Castroverde, Láncara, Paradela, Palas de Rei, Monterroso, Carballedo, Chantada, Taboada, A Pobra de Brollón, Ribas de Sil, Quiroga e Sober. Noutros lugares darase por fibra óptica, o que ocorrerá en Viveiro, Burela, Foz, Ribadeo, Vilalba, Sarria e Monforte (Concellos nos que é posible habilitar esta tecnoloxía porque contan cunha infraestrutura de base máis desenvolvida), e optarase polo cable en Baleira, Cervantes, As Nogais, Samos e Triacastela. Nos lugares nos que non sexa posible nin a fibra óptica nin o cable, darase o servizo por vía satélite, como en Ribeira de Piquín, Negueira de Muñiz e O Páramo, e tecnoloxía 3G, como é o caso do Incio.
Xunto ás casas consistoriais, pasarán a ter banda longa os telecentros dos municipios que se sumaron ó Innova-TE e a sede da Deputación, o Instituto Lucense de Desenvolvemento Económico e Social (INLUDES), Recadación, e a Fundación TIC.
Coa execución deste plan, a Deputación adiántase en dous anos á Xunta na extensión da banda longa, a pesar de que a Administración galega é a que ten competencias nesta materia. Neste senso, Gómez Besteiro esixiu de novo ó Executivo de Feijóo que axilice ó máximo os seus plans para no frear a velocidade do Innova-TE, grazas ó que a provincia de Lugo pasou nuns meses de estar no furgón de cola a situarse á cabeza en Administración Electrónica. O proxecto tecnolóxico da Deputación conta cun orzamento de 9 millóns de euros, financiados nun 70% pola Unión Europea e nun 30% polo INLUDES, e fará realidade no mes de xullo unha Administración sen papel e aberta as 24 horas.
Zona wifi en San Marcos
De maneira complementaria ó proxecto de dotación de banda longa ós consistorios adheridos ó Innova-TE, a Deputación proxectou a configuración da praza de San Marcos como zona wifi, co que se converterá na primeira destas características do centro da capital lucense. O servizo estará operativo no momento no que estean listas as obras que se acometen na praza e permitirá o acceso gratuíto dos lucenses a Internet na parte frontal do Pazo de San Marcos, na zona traseira do inmoble e nos xardíns interiores, así como no propio interior do edificio, onde o servizo poderá utilizarse no salón de actos e na sala de xuntas. Para elo poden usar calquera tipo de dispositivo con tecnoloxía wifi, ben sexa un ordenador portátil, teléfono móbil ou PDA, entre outros.
Os usuarios da rede dispoñerán dun máximo de 256 kas, a velocidade máxima permitida para espazos públicos con wifi. Outras das restricións fixadas para este tipo de servizos é que non se poden prestar a zonas de vivendas particulares.
Nos exteriores do Pazo de San Marcos, así como no salón de plenos e no de xuntas, o acceso será totalmente libre, e nas zonas de traballo do interior do edificio, habilit