Nota de prensa
BURELA CONTARÁ CON CINCO MONOLITOS DE SINALIZACIÓN DOS RECURSOS TURÍSTICOS DO CONCELLO.
O edil nacionalista destaca que “o concello de Burela disporá nos vindeiros días de cinco monolitos con información dos nosos recursos turísticos, con fondos coincidentes coa imaxe de marca de Burela. Estarán situados en distintas zonas do concello facilitando así a información turística máis transcendente a todas as persoas e primordialmente aos visitantes que se acheguen a coñecer e disfrutar dos recursos da nosa localidade.”
O concelleiro de Turismo, José González Legazpi, engade que “estes sinalizadores de planta e recursos turísticos representan unha nova e interesante iniciativa que se complementa coa incorporación á plataforma de Cidades Dixitais, e que xunto con outras moitas iniciativas desenvolvidas nestes últimos anos son a consecuencia de que a nosa localidade tivera condicións de crecemento e valorizaran no ámbito turístico e por tanto se posibilitaran fortalezas para os sectores económicos nuns momentos de dificultade, promovéndose ao mesmo tempo posicionamentos de máxima calidade como destino turístico para Burela”.