Nota de prensa:
FERNANDO SUÁREZ ASEGURA QUE O SEU EQUIPO RECAUDOU POLO MERCADO SEMANAL DOS MÉRCORES UN 60% MÁIS QUE NO ÚLTIMO ANO DE GOBERNO DE PÉREZ VACAS, SEN SUBIR UN SÓ CÉNTIMO AS TAXAS CORRESPONDENTES. A RECADACIÓN NO 2010 ASCENDEU A 57.600 EUROS.
Ribadeo, 27 de abril de 2011. O alcalde, Fernando Suárez, asegura que o seu equipo recaudou polo mercado semanal dos mércores un 60% máis que no último ano de goberno de Balbino Pérez Vacas. No 2006 foron 35.000 euros os recaudados e no 2010 chegaron aos 57.600, segundo os datos facilitados esta mañá polo rexedor.
Suárez Barcia lamentou “as desafortunadas críticas do compañeiro de Corporación Ramón López, nótase que estamos a 25 días das eleccións e inténtase descalificar todo o traballo feito e ben feito por este goberno municipal no mercado dos mércores. Criticarme como me critica dicindo que o mercado está abandoado, que a interventora vai alí cobrar, etc, é faltarlle á verdade absolutamente”.
O alcalde lembrou que “nós tivemos, como él ben sabe, un problema moi importante hai dous anos co mercado, un problema que a propia oposición se encargou de alimentar e logo, afortunadamente para Ribadeo, a razón voltou a quen a tiña. E para mostra un bótón, debo dicir que na recadación do mercadiño semanal, no que ten que ver cos ambulantes, no 2006 foron 35.000 euros, no 2007 foron 33.500 euros, no 2008 foron 34.700, no 2009 despois de todo o follón chegamos a 51.700 euros e no 2010 foron 57.600 euros, é dicir trátase dun incremento de máis do 60% en relación co último ano de goberno do señor Balbino Pérez Vacas”. Fernando Suárez subliñou que “estas cifras prodúcense cando as superficies ocupadas son prácticamente as mesmas e todo isto sin que se subisen as taxas nin un só céntimo de euro, tan só por ir, comprobar, medir, repasar, liquidar e cobrar e o que non paga non volve a montar, porque senón sería unha inxustiza. E toda esta labor tamén a está a facer a interventora por moito que lle moleste ao señor López. A interventora non vai para cobrar, senón que vai a informar e asesorar, porque o que nós queremos é que todo funcione en armonía e que haxa os menores problemas posibles”.
O rexedor recalcou que “no pleno de marzo, e que pouca memoria hai na xente, o Concello aprobou por unanimidade e o seu grupo tamén votou a favor da modificación na ordenanza do cambio de sistema de pago para pasar de conta en entidade bancaria, que nos daba moitos problemas, a un sistema de pago consensuado cos ambulantes para que eles mesmos procedan aos pagos. Esa ordenanza foi aprobada inicialmente en marzo, está a exposición pública, aínda non está definitivamente aprobada, pero unha vez que así sexa poderánse expedir xa autorizacións para este exercizo 2011 e a partires dese momento xa poderán pagar os ambulantes cando o desexen”.
Suárez Barcia dixo que “para estes meses pendentes desde primeiros de ano darémoslles as maiores facilidades posibles, como se fixo sempre, e como é intención deste goberno e deste alcalde. A intención deste alcalde non é polemizar como fai moita xente da oposición, senón que é intentar resolver e que todo o mundo pague polo que ocupa e que todo o mundo pague o que debe e facilitar as cousas o máximo posible. Nunca nos gusta entrar en guerras como quixeron moitas veces facernos entrar, pero si tivemos que ir a elas defendemos a razón e a coherencia e aí están os resultados económicos, que dan boa proba do que fixemos”.