Fernando López, xerente do CD Burela FS, Toru Sato e Antonio Rodenas, directivo
O INTERNACIONAL XAPONÉS TORU SATO ADESTRARÁ CO CADRO LARANXA ATA FINAIS DE TEMPADA
O internacional xaponés Toru Sato adestrará co Burela FS ata finais de tempada. O ala-peche chega á Mariña tras a formalización do acordo entre o club laranxa e a Federación Xaponesa de Fútbol. O xogador, que xa coñeceu os seus compañeiros dos próximos meses na sesión matinal de hoxe, foi recibido nas oficinas do club polo xerente da entidade, Fernando López, e o directivo Antonio Ródenas.
Procedente do Shriker Osaka da F-League nipona, Toru Sato (Niigata, 1985) é un dos habituais da selección xaponesa do español Miguel Rodrigo, que xa visitou o pavillón burelao de Vista Alegre no pasado mes de marzo para medirse en amigable a un combinado da Mariña.
Fernando López referendou a irmandade deportivo-cultural entre o pobo nipón e o burelao, que “consolida os cimentos da boa relación que xa mantén o club coa Federación Xaponesa para futuros proxectos conxuntos”.