Nota de prensa
NOTA DE PRENSA URXENTE DA PLATAFORMA SOS SANIDADE PÚBLICA
privatización da sanidade pública galega, a pesares das súas mensaxes de non privatizala.
O SERGAS a través dun prego de cláusulas ao que tivo acceso a Plataforma da Defensa da
Sanidade Pública, abre a porta á contratación privada da xestión económica e á xestión
dos procesos de oposicións do seu persoal.
A cambio de 557.000 euros (case 100 millóns de pesetas) , nun momento de crise, adxudica a unha
empresa privada este contrato, que contempla unha actividade que pon en perigo os postos de
traballo de moitos empregados públicos e entrega á mesma unha información estratéxica acerca dos
seus obxectivos, dotacións económicas, dispoñibilidades orzamentarias e políticas de racionalización
do gasto.
Finalmente entrega unha información tan vulnerable e unha competencia tan central para os seus
obxectivos como é a xestión dos procesos de oposicións (inscrición, oposición e provisión das
prazas), en definitiva toda a selección do persoal.
Para esta Plataforma este novo e suculento contrato supón na práctica a “baltarización” da política
de contratación do persoal da Sanidade Pública Galega.
O prego ao que tivo acceso SOS Sanidade Pública contempla a entrega a unha empresa privada as
seguintes competencias da administración pública:
1.- Xestión económica:
? Sistema de tramitación orzamentaria.
? Xestión de pagos en unidades administrativa (servizos centrais, direccións e delegacións
provinciais).
? Xestión de Subministracións e Unidades de Consumo
2.- Recursos humanos:
? Aplicación para a xestión dos procesos de oposicións (inscrición, oposición e provisión)
A pesares da habitual dificultade para entender a linguaxe administrativa, o que antecede está moi
claro: Trátase de liquidar unha importantísima parte da administración pública e facilitar a
Page 2
penetración do sector empresarial privado nunha das áreas máis sensibles da xestión administrativa
do sistema sanitario público. Os cidadáns entenderán perfectamente que iso supón amputar a
capacidade operativa do sistema e a súa sustentabilidade económica futura.
Ademais disto, en tempos de crise e de austeridade, incrementa en máis de medio millón de euros,
nun novo exercicio de desconfianza nos seus propios empregados públicos, un gasto sen
xustificación obxectiva algunha.
A carga de traballo que se subtrae ao público e que se transfire á empresa privada é o primeiro paso
para poder despedir, sen provocar unha catástrofe administrativa, a un gran número de persoal
altamente cualificado, seguindo as estratexias do Primeiro Ministro do Reino Unido que tanto
admira o Sr Rajoy.
No que se refire á selección do persoal supón unha gravísima entrega de información confidencial
dos miles de aspirantes ao emprego público do SERGAS de todas as Categorías, e a vulneración dos
criterios de igualdade, mérito e capacidade que a Constitución e as Leis Galegas protexen