Noa de prensa
ANTONIO VEIGA PARTICIPOU NA PRESENTACIÓN DO LIBRO “A MARIÑA 43º NORTE” DE XULIO VILLARINO
O libro, editado polos servizo de publicacións da Área de Cultura da Deputación, recolle un intenso traballo fotográfico que ofrece unha visión particular da Mariña
Este libro, que presenta unha edición moi coidada e na que destaca a alta calidade de cor para destacar a expresividade das fotografías que o compoñen, saíu do prelo grazas ao financiamento da Área de Cultura da Deputación de Lugo e ao traballo que realizou o Servizo de Publicacións que depende dese mesmo departamento.
Xulio Villarino, natural de Fazouro, é un fotógrafo de formación autodidacta que desde moi novo se forxou no fotoxornalismo a través da súa colaboración para medios impresos, traballando máis tarde como freelance para diversos medios de comunicación. Ao longo da súa carreira obtivo diferentes premios, como o Luis Ksado en 1998; Fuji Europress Photo Awards na fase española en 1999 e mención de honor na fase europea o mesmo ano; Finalista Injuve en 1999; Finalista Luis Valtueña en 2000 e 2001; Premio Ortega y Gasset 2000; Premio Fuji categoría Viaxes 2002 e Noticias 2003; Finalista Reve!a 2006.