“Ponlle as pilas ao teu bocata”, a actividade lúdica para a nenos e nenas de 5 a 16 anos en Barreiros

Nota de prena

PONLLE AS PILAS AO TEU BOCATA terá lugar o vindeiro 11 de agosto na praza do Concello, en Barreiros, a partires das 19 horas. A actividade lúdica está destinada a nenos e nenas de 5 a 16 anos e nela recibirán información sobre o consumo de peixe e marisco e sobre os beneficios das conservas e as enerxías que éstas lles aportan. Segundo explican desde o Concello “a actividade consiste na realización dun xogo lúdico-educativo e a posterior preparación de bocatas de conservas por parte dos propios nenos asistentes”.
Os interesados en participar poden anotarse ata o 4 de agosto no departamento de Servizos Sociais do Concello en horario de 10 a 14 horas. A actividade está organizada pola Consellería do Mar da Xunta e polo Concello de Barreiros.