Nota de prensa
PISCINA E FUTBOLÍN HUMANO
Xogos acuáticos na piscina de San Cibrao, obradoiros e un futbolín humano protagonizaron a terceira xeira do campus laranxa, sen esquecer os adestramentos co seleccionador de Romanía, Sito Rivera; o técnico do Reale Cartagena, Luis Fonseca; o xogador do Burela FS Christian e a nova xogadora do Burela FS Pescados Rubén Haydée Agras.
Na xornada de mañá continuará a formación e, como non, a diversión. Xunto ás sesións ténico-tácticas co seleccionador Sito Rivera e o xogador laranxa Víctor Cachón, os rapaces/as poderán deleitarse con actividades lúdicas. Pola tarde, Vista Alegre e Monte Castelo acollerán o Torneo Campus 2011, entre as 16.30 e as 18.30 horas, que dará paso ao acto de clausura e entrega de diplomas, ás 19.00 horas (Vista Alegre).