Os trofeos da Copa Manolo Parga, nas diferentes modalidades disputadas (golf, tenis e vela), foron entregados no transcurso dunha cea celebrada o pasado venres nas instalacións do restaurante Casa Foguete de Ribadeo. Os asistentes, entre os que se atopaban o presidente do Club Náutico de Ribadeo, Mario Coto, e outros membros da directiva, gozaron dunha interesante velada na que intercambiaron vivencias e experiencias deportivas.
