Este fin de semana terá lugar no porto de Burela o III Aberto do Bonito organizado polo Colectivo Cultural Buril

Nota de prensa

Este fin de semana terá lugar no porto de Burela o III Aberto do Bonito, organizado polo Colectivo Cultural Buril, na que as e os participantes loitarán polo prezado bonito do norte.

O sábado 17 desenvolverase o Aberto de Billarda a partir das 16h00 na explanada do porto de Burela. Este aberto participarán varios equipos da comarca na que é a primeira proba puntuable da temporada 2011-2012 do campionato de billarda, organizado pola Liga Nacional de Billarda.

O domingo 18 celebrarase o torneo de Bolos Tradicionais. Pola mañá, desde as 11h00, os mais pequenos da casa poderán iniciarse no xogo dos bolos tradicionais, na pista deportiva do parque Rosalia de Castro. Xa pola tarde, a partir das 15h00, terá lugar o torneo na explanada do porto.

O aberto do Bonito forma parte do programa de actividades organizadas con motivo da Semana europea da mobilidade que se celebra en Burela do 16 ao 22 de setembro.

As persoas interesadas poden participar co equipo do Buril ou ben cun equipo propio. Para calquera información sobre o Aberto poden contactar co Buril no e-mail ccburil@gmail.com ou no teléfono 616473366. Para participar en calquera das modalidades só é preciso estár no lugar do Aberto media hora antes do comezo dos xogos.