Nota de prensa
PROXECTO RÍOS ORGANIZA A IV XORNADA DE LIMPEZA SIMULTÁNEA DE RÍOS O DOMINGO 2 DE OUTUBRO
Aumenta o número de concellos e entidades participantes
Santiago de Compostela, 30 de setembro de 2011. Un ano máis o Proxecto Ríos, promovido por ADEGA organizan a cuarta limpeza simultánea en ríos, desta volta será o primeiro domingo de outubro día 2. A limpeza vai en aumento e nesta xeira realizarase en 39 treitos de río distribuidos en 37 concellos e coa colaboración de 48 entidades. A día de hoxe xa están apuntadas máis de 500 persoas, e dende o Proxecto Ríos consideramos moi significativa a implicación da cidadanía na conservación dos cursos fluviais.
Un dos problemas máis agravantes que sofren os nosos ríos segue a ser a gran cantidade de lixo que aparece nos cauces e ribeiras. A pesares de levar xa tres campañas de limpeza, seguen aparecendo moreas de plásticos e entullos, elementos case habituais nos cursos fluviais e en moitos dos nosos montes. Dende o Proxecto Ríos queremos concienciar á sociedade da necesidade de manter limpos os nosos ríos como premisa para a conservación da súa saúde. Por iso, a limpeza non é unha iniciativa illada dun día de retirada de lixo, senon que se enmarca dentro das actitudes responsables cara a conservación do medio natural e dos ecosistemas fluviais. O coidado e o respeto polo entorno farían innecesarias actividades como esta, ahí que depende de todos/as frear a contaminación que están a sufrir os nosos ríos.
O Proxecto Ríos entregará aos grupos participantes un protocolo para difundir a limpeza ecolóxica e respectuosa dos ecosistemas fluviais. Ademáis creouse unha páxina web específica http://limpeza.proxectorios.org/ con información sobre a limpeza, os grupos participantes e contacto dos coordinadores/as. Como nas anteriores limpezas entre o voluntariado repartiranse camisetas específicas co lema Móllate polos ríos.
Nesta xornada a implicación dos concellos é fundamental para garantir a recollida do lixo que se saque dos ríos, e tamén para proporcionar material necesario para a limpeza e para asegurar aos voluntarios/as participantes. Os anos anteriores retiráronse un total de 18 toneladas de lixo (estimadas) de orixe diverso (neveiras, rodas, radiografías, colchóns…). Por este motivo queremos agradecer a colaboración dos seguintes municipios: Arbo, Arzúa, Caldas de Reis, Cambre, Carral, Santiago de Compostela, Cuntis, Fene, Lalín, Muxía, Ordes, Ourense, Pontecesures, Pontevedra, Redondela, San Sadurniño, Pobra de Trives e Valga. Lamentar tamén que outros concellos non foran quen de apoiar esta iniciativa e dar soporte (luvas, bolsas, etc) a unha actividade de participación cidadá, como exemplo o concello de Vigo o máis grande de Galiza e que conta cun dos ríos máis contaminados, o Lagares. A actividade está financiada por Augas de Galicia e a Consellería de Medio Ambiente, Territorio e Infraestructuras (Dirección Xeral de Sostibilidade e Paisaxe) que dan soporte ao Proxecto Ríos e colabora tamén nesta limpeza a Confederación Hidrográfica Miño-Sil.
Destacar igualmente a implicación das 48 entidades así como dos voluntarios e voluntarias, e agradecer que se sumaran a esta iniciativa xa que sen a súa colaboración esta actividade sería imposible.
A continuación podes consultar as entidades e os concellos donde se realizará a IV Limpeza simultanea de ríos.
| concello | grupo | ||
| 1 | A Estrada | Asoc. A Xesteira Asoc. pola Defensa do Val do Liñares Asoc. de Veciños “A Sobreira” de Callobre Asoc. de Mulleres Rurais de Barreira (Río Bo) | |
| 2 | A Merca | Asoc. Xuvenil Xoldreira | |
| 3 | Arbo | Concello de Arbo | |
| 4 | Arteixo | ADEGA Coruña | |
| 5 | Arzúa | ADEGA Alto Ulla Concello de Arzúa Asoc. de pescadores amigos do Iso | |
| 6 | Betanzos | ADEGA Coruña | |
| 7 | Caldas de Reis | Asoc. Cultural Xesús González Aboi | |
| 8 | Cambre | Oficina de voluntariado do concello de Cambre | |
| 9 | Carral | Concello de Carral | |
| 10 | Catoira | C. M. V. M. C. San Miguel de Catoira | |
| 11 | Carnota | ADEGA Costa da Morte | |
| 12 | Compostela | ADEGA Compostela | |
| 13 | Cospeito | Asoc. Revolta Natural | |
| 14 | Cuntis | Asoc. Cultural “O Fervedoiro” | |
| 15 | Fene | AETNA | |
| 16 | Forcarei | Asoc. Moz@s de Forcarei C.M.V.M.C. San Miguel de Presqueiras A Hortiña da Ponte Asoc. Entreríos Asoc. Cult. Pataqueiros de Millerada Élida (Taberna do Tato) | |
| 17 | Lalín | Concello de Lalín | |
| 18 | Lugo | ADEGA Lugo | |
| 19 | Mañón | Asoc. Cultural Barqueirock | |
| 20 | Melide | Asoc. De Pescadores do Río Furelos | |
| 21 | Moraña | Asoc. Cultural “O Arrieiro” | |
| 22 | Muxía | Concello de Muxía | |
| 23 | Neda | Asoc. Social Néboa | |
| 24 | Ordes | ADEGA – Ordes | |
| 25 | Nigrán | APERTA | |
| 26 | Ourense | ADEGA – Ourense | |
| 27 | Ponteareas | Plataforma pola defensa do Tea | |
| 28 | Pontecesures | Concello Pontecesures | |
| 29 | Pontevedra | Vaipolorío Fundación Juan XIXII ADEGA-Pontevedra | |
| 30 | Quiroga | ||
| 31 | Redondela | Concello de Redondela | |
| 32 | Ribadumia | Colectivo Ecoloxista do Salnés | |
| 33 | Salceda de Caselas | Asoc. Trezecatorze | |
| 34 | San Sadurniño | Concello San Sadurniño | |
| 35 | Trives | AMPA O recreo | |
| 36 | Valga | Concello Valga | |
| 37 | Vigo | ADEGA Vi |