Nota de prensa
Tarefas de mantemento na rede de condensado da factoría de Alcoa que subministra calor á piscina provocará que a temperatura da instalación non sexa a habitual
A PISCINA OLÍMPICA DE LIEIRO SUFRIRÁ LIMITACIÓN NO SUBMINISTRO DE AUGA QUENTE DURANTE OS DÍAS 25 E 26
Cervo 22 de outubro de 2011.- O concelleiro delegado de Deportes, José Ramón Soto, informou hoxe que os vindeiros días 25 e 26 de outubro (martes e mércores) a piscina olímpica municipal de Lieiro sufrirá unha limitación no subministro de auga quente debido a uns traballos de mantemento programado que se están a realizar na sección de condensado da planta da multinacional de Alcoa, encargada de subministrar o vapor de condensación á piscina.
“Onte comunicóusenos por parte de Alcoa que os vindeiros días 25 e 26 van a proceder a realizar tarefas de mantemento na sección de condensado da planta e polo tanto, o subministro de calor que se nos subministra á piscina vaise ver afectado. Esta limitación de vapor de condensado vai provocar que a temperatura da auga da piscina non sexa a habitual” indicou Soto.
O concelleiro de Deportes pediu desculpas anticipadas aos usuarios desta instalación e confiou en que os veciños saberán entender “que se trata dun feito puntual, que só se vai a prolongar 48 horas no tempo, segundo nos comunicaron os propios responsables de ALCOA”.