Nota Prensa
Xa está aberto o prazo de inscrición para formar parte da primeira Escola específica de Porteiros que se crea na Mariña Lucense “Lugo Costa Porteiros”.
A escola está destinada para tódolos porteiros e porteiras, independentemente do seu nivel, categoría na que compiten e/ou dedicación que sexan amantes do deporte que practican e que teñen gañas de seguir aprendendo e mellorando, xa que polo xeral, o posto de porteiro é o gran esquecido nos adestramentos.
Os grupos de traballo non excederán de 6 alumn@s por monitor e poderás ir aprendendo e dominando tódolos recursos técnicos e tácticos dun porteiro de fútbol.
Adestrarase sempre en grupos reducidos buscando sempre niveis de homoxeneidade para garantir a máxima calidade do proceso de aprendizaxe.
Seguiranse unhas estratexias de intervención e deseñaremos tarefas acordes a cada unha das etapas de formación establecidas (Iniciación, Perfeccionamento e Especialización).
Tódalas persoas interesadas en recibir máis información poden facelo chamando aos teléfonos: 625 98 05 95 / 635 23 00 03