As traballadoras e traballadores da limpeza no Hospital da Costa de Burela mobilízanse por un novo Convenio.
Hoxe, ás 10.45 da mañá produciuse a primeira das que, a partir de agora, se convertirán en concentracións diarias das traballadoras e traballadores do servizo de limpeza do Hospital da Costa de Burela. A plantilla decidiu en asemblea, celebrada o pasado día 27 de setembro prolongar as mesmas ata que a empresa SAMYL, S.L. adxudicataria do servizo, se comprometa, en firme e por escrito, a rematar coa discriminación que supón que todas as traballadoras e traballadores do sector en Galiza teñan as súas condicións laborais equiparadas ao Grupo E do sergas agás os que prestan os seus servizos no Hospital de Burela.
De non asinar a empresa ese acordo as traballadoras e traballadores resérvanse o dereito de adoptar novas e diferentes medidas de presión.