Nota de prensa:
DESCANSO NA PRIMEIRA DIVISIÓN FEMININA
A Primeira División Feminina afronta esta fin de semana o primeiro descanso da tempada, debido aos compromisos da Selección Española, que disputará dous amigables ante Rusia, o 9 e 10 de outubro, en Ourense.
A escuadra de Javier Pardeiro mantén estes días a intensidade dos adestramentos para volver na mellor forma. Retomará a competición o 15 de outubro, na pista do novel Majadahonda FSF/Afar 4, aínda sen Jozi, que regresará do Sudamericano 2011 (Venezuela) o día 17. O Natudelia.com Zaragoza será o rival das burelistas no seu regreso a Vista Alegre, o día 22.