Nota de prensa
O goberno cualifica de “desfachatez” que a Xunta priorice residencias privadas e no eixo atlántico, discriminando as públicas da Deputación
– O Pleno acordou, cos votos en contra dos populares, instar á Xunta a cumprir a súa competencia e o seu compromiso político, promesa que fixo 6 días antes das eleccións, e que o propio José Manuel Barreiro ratificou na web oficial do PP
– O Deputado reprocha que o Goberno galego siga sen interesarse pola rede de residencias provincial cando é a súa obriga, está avalada por informes especializados e está respaldada por Concellos de todas as cores políticas
– Os 25 Deputados farán público o seu patrimonio tras saír adiante a proposta realizada por Gómez Besteiro, quen avanzou que o regulamento elaborado para facer posible este “exercicio de transparencia” será remitido ós Concellos para que tamén poidan aplicalo
A este respecto, sinalou que “con vostedes é imposible: cando teñen que esixirlle a un goberno amigo algo para a provincia, antepoñen os seus intereses partidistas esquecendo ós seus representados. Isto si que é grave, ou teño que lembrarlles que en novembro aprobamos por unanimidade o mapa de residencias da Deputación. Agora preguntámonos para que sirve a súa palabra…. Estamos demostrando que nós temos outra altura de miras, estamos orgullos de cambiar as políticas con esta provincia. Sabemos que o goberno de Feijóo vive nun autismo político permanente. O que non sabiamos era que vostedes estaban tamén nesta situación. As institucións tamén teñen obrigas, que teñen que ser acometidas aínda que ninguén llas solicite. A Feijóo xa non lle serven escusas de mal pagador”.
O incumprimento da administración autonómica con respecto ó funcionamento da rede provincial de residencias está bloqueando estas instalacións, cuxa construción está avalada por análises especializadas sobre a situación dos servizos sociais na provincia. A este respecto, Díaz Valiño reprochou ó Partido Popular que no seu mapa de infraestruturas residenciais priorice o eixo atlántico, quedando relegada a provincia de Lugo ós últimos postos. “O equipo de goberno deu un xiro radical a SUPLUSA para priorizar unha demanda clara de servizos sociais, pero polo que parece estes non interesan. Contradinse vostedes mesmos, a Conselleira de Benestar acaba de presentar a súas prioridades para a creación de prazas públicas en Galicia e sabe onde priorizan? Santiago e Pontevedra, é dicir, o eixo atlántico. E o peor é que din que é por xustiza territorial. É dicir, que en Lugo e Ourense hai moita dotación, polo que eu me pregunto se isto é serio e se a señora Mato coñece a realidade territorial de Galicia”, apuntou o Deputado.
Hai numerosos estudos especializados que contradín as argumentacións da Xunta. É o caso do Mapa Galego de Equipamentos Sociais, segundo o que Lugo ten un déficit de prazas residenciais e necesita 2.268 para acadar os ratios mínimos de cobertura social. En canto a que a poboación lucense maior de 65 anos baixará na próxima década, outro dos argumentos da Xunta para deixar a Lugo fóra das súas previsións, un estudo recente do Instituto Nacional de Estatística (INE) tamén contradí a previsión da Administración autonómica ó concluír que os lucenses que superen os 65 anos en 2021 representarán o 29% da poboación, dous puntos máis do que supón na actualidade.
Diferenza de investimento
Ademais desta discriminación, existe unha gran diferenza entre o investimento da Deputación e o da Xunta en materia de servizos sociais, que se demostra nos Orzamentos que vén de aprobar o Consello autonómico. Soamente cos 15,5 millóns de euros previstos para as residencias, o organismo provincial dedica un 91% máis co Goberno galego nos nos Presupostos de 2012, que apenas reservan 1,3 millóns para obras nos centros de protección infantil de Baleira e Paradela e para reparacións en instalacións de servizos sociais en Lugo. Ante esta situación, o Presidente instou directamente á Xunta a que recapacite e mostre o seu apoio ós centros da terceira idade da Deputación.
No marco da mesma proposta de goberno, o Pleno aprobou reclamar á Xunta que constrúa a residencia de Becerreá, tal e como prometeu Feijóo no ano 2009, antes de ser investido Presidente. A Deputación asumiu a redacción do proxecto técnico, que será adxudicado o vindeiro para ser posto a disposición do Goberno galego co obxectivo de que este o execute canto antes.
En favor da transparencia
Por outra banda, a Corporación provincial aprobou por unanimidade a proposta do Presidente de modificación do Regulamento Orgánico para facer público o patrimonio dos 25 membros da Corporación provincial. Este cambio na normativa permitirá unha maior transparencia na xestión do organismo provincial e será remitido a todos os municipios de Lugo para que, no marco da intensa política de cooperación cos Concellos que desenvolve a Deputación, poidan adaptalo e facer público tamén o patrimonio de Alcaldes e Concelleiros.
Trátase dunha modificación necesaria xa que polo de agora en dito texto figura que a publicación do patrimonio dos membros da Corporación é facultativa e non obrigratoria. O Regulamento Orgánico xa foi modificado recentemente a proposta do actual equipo de Goberno, incrementando o dereito a toda a información sobre a institución provincial. Era un texto do ano 86 que se atopaba obsoleto nesta materia e que privaba ós membros da Corporación de acceder a todo tipo de documentación sobre a actividade que desempeña a Deputación.
Maior representación na Autoridade Portuaria
A Corporación provincial tamén abordou no Pleno de hoxe reclamar unha maior presenza da provincia no Consello de Administración da Autoridade Portuaria Ferrol-San Cibrao para acabar co “trato discriminatorio” que sofre a Costa lucense en canto ó reparto de investimentos da institución portuaria, pois, mentres na zona da Mariña limítanse ó arranxo e mantemento de faros e balizas, na de Ferrol adícanse a grandes actuacións dirixidas a potenciar tanto a actividade económica como a apoiar actividades de carácter social e cultural. Esta situación é totalmente anómala, tendo en conta que, por exemplo en 2010, o peirao de San Cibrao xerou 3 millóns de euros polo cobro de taxas e canons, e só recibiu 650.000 euros en investimento, e dicir, unha quinta parte.
Na actualidade, Lugo está representado no consello reitor da Autoridade Portuaria por un único vogal, que é designado alternativamente polos Concellos de Cervo e Xove. A proposta saíu adiante co apoio do equipo de goberno e coa abstención do PP. Agora será remitida á Consellería do Mar, competente na materia, para que adopte as decisións oportunas.