Nota de prensa
ESTA TARDE DECLARÁBASE UN INCENDIO NUNHA PIZZERÍA DA RÚA RAMÓN GONZÁLEZ. ATA ALÍ SE DESPRAZOU FERNANDO SUÁREZ PARA COÑECER DE PRIMEIRA MAN O ALCANCE DO MESMO. O LUME SALDÓUSE CON DANOS MATERIAIS.
Ribadeo, 19 de outubro de 2011. Esta tarde declarábase un incendio nunha pizzería ubicada na rúa Ramón González de Ribadeo. Ata alí se desprazou o alcalde, Fernando Suárez, para coñecer de primeira man o alcance do mesmo, que finalmente só se saldou con danos materiais.
Suárez Barcia sinalou que “si ben nesta mañá de mércores amencíamos cun novo conato de incendio forestal rematamos a xornada na tarde-noite cun incendio nunha pizzería céntrica de Ribadeo. Non houbo que lamentar desgracias persoais, foi moi aparatoso e vistoso pola cantidade de fume que de alí saía. O lume orixinóuse na cociña dese establecemento, pero a rápida actuación de Protección Civil, da Policía Local, da Garda Civil e do parque comarcal de bombeiros impediu que houbera unha traxedia grande”.
O rexedor dixo que “en Ribadeo levamos un tempo cunha certa racha de incendios importante. Espero que se disipen pronto, os do monte porque chova e os do centro urbano porque agardamos que tardemos moito tempo en ter que afrontar algo similar. Felicitar a todas as persoas que participaron nesta rápida actuación na que afortunadamente só temos que lamentar danos materiais, pero os danos materiais amáñanse e as persoas é máis complicado e é polo que nos temos que congratular”.