Unifoz pide que o concello solicite a Deputación melloras na parroquia de Vilaronte

REFERENCIA

Jaime Cancio Rodríguez, en representación do grupo Municipal UNIFOZ na Corporación Municipal que Vostede preside :

EXPÓN:

Que fai uns meses que a Deputación Provincial procedeu á reparación da estrada que une a N.642 coa LU.152 na parroquia de Vilaronte, na que se fixeron diferentes actuacións (firme, alumeado, aceras…).

Que rematadas as obras mencionadas, consideramos que son insuficientes tendo en conta a seguridade vial, pois na súa maioría é imposible que as persoas se podan desprazar pola mesma, por non quedar espazo reservado para tal fin, así mesmo resulta difícil para o tráfico rodado.

Que na actualidade quedaron postes de formigón na estrada e na beirarrúa, que son innecesarios e perigosos para o tráfico rodado.

Por todo o exposto UNIFOZ solicita da Corporación Municipal mediante a presente MOCIÓN, acordo plenario para solicitar á Deputación Provincial a realización dun proxecto e a súa execución na que se contemple:

-Espazo e dotación de arcán/beirarrúa dende a Espiñeira ata o cruce da LU.152, enlazando coas beirarrúas xa construidas.

-Execución de retirada de postes de formigón da anterior instalación de alumeado público.

-Instalación de Alumeado Público ata a Espiñeira.

-Melloras no enlace desta estrada coa estrada das Areosas na Espiñeira

-Estudo de melloras no enlace coa N642