Nota de prensa
Nota de prensa
O CONCELLO PREPARA DÚAS ORDENANZAS MUNICIPAIS SOBRE ACCESIBILIDADE E SUPRESIÓN DE BARREIRAS ARQUITECTÓNICAS E SOBRE ESTACIONAMENTOS RESERVADOS PARA PERSOAS CON MOBILIDADE REDUCIDA. BARCIA, VALLE E DURÁN MANTIVERON ESTA MAÑÁ UN ENCONTRO CON RESPONSABLES DE A MARIÑA-COGAMI.
Durán contou que “as dúas ordenanzas atópanse en proceso de elaboración, agardamos rematalas o antes posible para sometelas á súa aprobación en pleno. O que fixemos hoxe foi manter un encontro con A Mariña-Cogami para chegar a un consenso e para coñecer as demandas destas persoas”. A edil popular explicou que “Burela é unha das vilas máis accesibles da Mariña” e lembrou que “nos dous últimos meses estivemos a ampliar as prazas de aparcamento para as persoas con movilidade reducida co obxectivo de que lles sexa máis fácil utilizar a cadeira de rodas, e melloramos tamén a situación dalgunhas delas nas inmediacións do centro de saúde, do parque, do hospital ou do Concello, ademáis de crear pasos de cebra para facilitar o acceso a esas zonas e neste sentido seguiremos a traballar ao longo das vindeiras semanas”.
Á xuntanza celebrada esta mañá no Concello acudiu tamén o arquitecto municipal.