Nota de prensa
MARIO COTO ASEGURA QUE O DRAGADO PREVIO QUE SE VAI REALIZAR ESTES DÍAS NA RÍA DE RIBADEO SERÁ BÓ PARA PORCILLÁN. O PRESIDENTE DO CNR AVOGOU POR LIMPAR A ENSENADA DA VILAVELLA E POR CREAR ALÍ UN PORTO DEPORTIVO PARA EMBARCACIÓNS MENORES.
Ribadeo, 14 de novembro de 2011. O presidente do Club Náutico de Ribadeo, Mario Coto, asegura que o dragado previo que realizará nos vindeiros días Portos de Galicia na ría de Ribadeo será bó para o porto deportivo. Eses traballos servirán para retirar a area acumulada na bocana de acceso a Porcillán. Coto avogou tamén por limpar a ensenada da Vilavella e crear alí un porto deportivo para embarcacións menores.
Coto sinalaba hoxe que “habería que dragar aínda máis a ría de Ribadeo. A nós dragaránnos alí nunha zona na que se acumulou area no acceso aos pantalás 8 e 9, estamos co proxecto de pechar a bocana, hai corrientes que arrastran area e recalan na entrada ao porto deportivo. Vennos ben que se faga ese dragado neste momento. Benvido sexa e ogallá continúen dragando a ría porque será beneficioso para o porto deportivo e para o porto comercial de Ribadeo”.
Para o presidente do Club Náutico de Ribadeo non ten sentido entrar en polémicas co destino que se lle debe dar á area extraída da ría, “entrar en disputas coas distintas ubicacións que se dará á area de Ribadeo non as vexo. O que está claro é que o dragado da ría de Ribadeo estaba anunciado. O Concello, como non debe ser doutra maneira, tiña que ser coñecedor desde hai tempo deste proxecto e tiña que ter consultado para aproveitar esa area, si é que vale. Si se vai botar noutro sitio porque outro Concello o pediu e porque ese punto de verquido sexa necesario será porque se fixeron as xestións necesarias… entrar en polémicas non está ben. O verquido estará moi estudiado e por iso se levará para alí”. Mario Coto lembrou que “a area doutro dragado realizado hai dous anos levóuse a 22 millas náuticas á altura de Burela, levóuse para alí e non pasou nada, porque ninguén pediu que esa area se levase a outro lugar. Neste caso alguén fixo as xestións e váise a area para alí e xa está e a vindeira vez que se faga outro dragado veremos si nos interesa e si é necesario deixala aquí”.
A Coto pareceríalle “máis importante dragar un pouco máis na ensenada da Vilavella, porque alí hai uns fangos e unhas cousas que non valen para nada e alí podía aproveitarse para limpar a zona, verquer un pouco de area limpa e facer un porto deportivo para embarcacións menores e darlle funcionalidade a aquel edificio, que non sabemos moi ben para qué vai valer, pero se non se lle busca un sentido con outras cousas arredor non valerá para moito. Habería que pelexarse por dragar aquela zona e deixar as polémicas a un lado”.
Federación de vela
Mario Coto realizou unha valoración moi positiva do encontro que mantivo o venres pasado en Ribadeo a Federación Galega de Vela da que él é vicepresidente segundo. O responsable do CNR subliñou que “o importante é aunar esforzos entre os Clubes Náuticos da costa lucense. A Federación mollóuse e díxonos que preparásemos un programa entre todos, temos que contarlle cales son as actuacións a levar adiante e imos desde a Federación de Vela a apoialos. Si precisamos unha fugoneta, dez optimist, etc, etc…. para nós é un paso moi importante”. E engadiu que “o programa que confeccionemos darémolo a coñecer aos medios de comunicación e tentaremos que os pais teñan unha maior participación con nós, é bó que asistan ás regatas ás que acuden aos seus fillos. Falaremos cos colexios, coas asociacións de pais, esto é o inicio dun longo camiño, hai que ir empezando pouco a pouco desde abaixo a introducir aos nenos na vela e despois van saíndo os Messis e estas cousas”.