A A.C.D. “PENALBA-COLECTIVO CHILINDRÍN” informa aos medios das actividades que realiza nos vindeiros días en Celeiro.
Mércores 28 de decembro, ás 19 horas, na Casa do Forno. Actuación do contacontos Mano Panforreteiro co seu espectáculo “CONTANDO AOS SETE VENTOS” no que inclúe historias de mares, soños e ventos. “Barcos e historias constrúense lentamente e fanse á mar cunha mesma vontade: viaxar e regresar ao fogar” Estes contos son encontros que viaxan coas súas músicas, coas súas sonoridades agochadas en pequenas cousas, cos seus soños.
III BAILE DE FIN DE ANO. Por terceiro ano consecutivo, organizamos o baile de fin de ano, na Casa do Forno. A apertura será a 01.00 da mañá. Actuarán o DJ KANU e o DUO AGUAMARINA. A entrada terá un prezo de 5 euros, inclúe o tradicional cotillón e consumición. Ademais coma o ano pasado, ás 3 da mañá celebraremos todos xuntos, a entrada do ano 2012.