Nota de prensa
A XUNTA DE GALICIA FAI POSIBLE QUE OS NENOS GALEGOS FALEN CON PAPÁ NOEL A TRAVÉS DE VIDEOCONFERENCIA
§ A rede CeMIT dará soporte técnico ás conexións con Laponia que van realizar dende hoxe ata o vindeiro luns, día 19
§ Máis de 1.100 nenos e nenas de entre 3 e 7 anos de 24 concellos de Galicia participarán nesta actividade
Santiago, 12 de decembro de 2012.- Dende hoxe e ata o vindeiro luns, día 19, o alumnado de educación infantil de 24 concellos de Galicia terá a oportunidade de facer as súas peticións navideñas directamente a Papá Noel aproveitando e utilizando as vantaxes das novas tecnoloxías.
Deste modo, facendo uso da rede de aulas CeMIT (Centros para a Modernización e a Inclusión Tecnolóxica) distribuídas por todas as comarcas de Galicia, aproveitanse estas datas para brindar aos nenos de diversas localidades a oportunidade de manter unha videoconferencia con Papá Noel na que poderán pedirlle os seus regalos.
Así, escolares de Educación Infantil de Celanova, A Estrada, Pontedeume e Vilagarcía foron hoxe os primeiros en recibir esta esperada visita. Foi por medio de videoconferencia e a comunicación en tempo real uniu Laponia, terra natal de Papá Noel, coa rede de aulas de comunicación multimedia dispersa pola xeografía galega. Este intercambio de mensaxes comezou hoxe luns, a razón de media hora en cada aula, aínda que non será a única aparición do dono dos renos mais famoso do mundo.
Por toda Galicia
Ademais destas localidades, Papá Noel visitará outros centros da rede galega que ten en marcha a Xunta de Galicia. En virtude desta experiencia, os nenos e nenas de Vimianzo, O Barco, Betanzos, Ourense, A Cañiza, Verín, Fisterra, Muros, Fonsagrada, Ponteareas, Ferrol, Foz, Brión, Barreiros, Abegondo, Oroso, Ortigueira, Negreira, Quiroga y Marín tamén poderán realizar as súas peticións navideñas.
Compre subliñar que, ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel o alumnado do Centro de Educación Especial Miño de Ourense e o Centro Pai Menni de persoas con discapacidade de Betanzos.
O obxectivo desta actividade, que neste ano cumpre o seu 5º aniversario e esperta un gran interese entre a comunidade educativa, será o de establecer unha comunicación fluída e cara a cara entre Papá Noel e os nenos destas comarcas, poucos días antes da Noiteboa, cando se atendan as peticións de agasallos de todos os nenos do mundo.
Con este tipo de experiencias, a rede CeMIT da Xunta de Galicia busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen, acurtando distancias e facendo posible a interactuación entre diversas localidades nun mesmo proxecto común.
PROGRAMA DE VIDEOCONFERENCIAS PREVISTAS:
| LUNS, DÍA 12 DE DECEMBRO | ||
| HORA | CONCELLO | COLEXIO |
| 10,30 | CELANOVA | CPR Sagrado Corazón (20 nen@s de Educación Infantil) |
| 11,00 | A ESTRADA | Colexio Foxo |
| 11,30 | CELANOVA | CEIP Curros Enríquez (20 nen@s de Educación Infantil) |
| 12,00 | PONTEDEUME | Unitaria de Ombre+Boebre; Atocha (75 alumnos) |
| 12,30 | VILAGARCÍA | Colexio Vagalume (50 nen@s) |
| MARTES, DÍA 13 DE DECEMBRO | ||
| HORA | CONCELLO | COLEXIO |
| 10,30 | VIMIANZO | CEIP San Vicenzo |
| 11,00 | O BARCO | Colexio Conde Fenosa |
| 11,30 | VIMIANZO | CEIP San Vicenzo |
| 12,00 | BETANZOS | Escola infantil Cocofantes+Preescolar na casa |
| 12,30 | OURENSE | Centro de Educación Especial Miño (12 alumn@s) |
| 13,00 | BETANZOS | Centro pai Menni (persoas con discapacidade) |
| MÉRCORES, DÍA 14 DE DECEMBRO | ||
| HORA | CONCELLO | COLEXIO |
| 10,30 | A CAÑIZA | C.P.I. A Cañiza (40 nen@s) |
| 11,00 | VERÍN | Colexio Amaro Refojo ( 50 nen@s de 3 anos) |
| 11,30 | A CAÑIZA | CEIP Valeixe (37 nen@s) |
| 12,00 | FISTERRA | CEIP Arreouta Sardiñeiro+Nosa sra. do Carme+ Mar de Fóra |
| 12,30 | MUROS | CEIP de Muros (30 nen@s) |
| XOVES, DÍA 15 DE DECEMBRO | ||
| HORA | CONCELLO | COLEXIO |
| 10,30 | A FONSAGRADA | CEIP Sta. María+Escola Infantil (25 nen@s de 3 a 6 anos) |
| 11,00 | PONTEAREAS | CEIP Santiago de Oliveira (37 nen@s de 3 e 4 anos) |
| 11,30 | FERROL | CEIP Masdías (37 nen@s de 6 e 7 anos) |
| 12,00 | PONTEAREAS | CEIP Santiago de Oliveira (37 nen@s de 5,10 e 13 anos) |
| 12,30 | FOZ | C.P.R. Martínez Otero (53 nen@s de 3 a 5 anos) |
| VENRES, DÍA 16 DE DECEMBRO | ||
| HORA | CONCELLO | COLEXIO |
| 10,30 | BRIÓN | C.P.I. Pedrouzos |
| 11,00 | BARREIROS | CEIP S. Miguel de Reinante+CEIP San Cosme ( 40 + 15 nen@s) |
| 11,30 | PONTEDEUME | Couceiro Freixomil+Andrade (50 nen@s) |
| 12,00 | ABEGONDO | CEIP San Marcos (78 nen@s de 4 e 5 anos |
| 12,30 | OROSO |
|
| LUNS, DÍA 19 DE DECEMBRO | ||
| HORA | CONCELLO | COLEXIO |
| 10,30 | ORTIGUEIRA | C.P.I. José María Lage (75 nen@s) |
| 11,00 | NEGREIRA |
|
| 11,30 | QUIROGA |
|
| 12,00 | MARÍN | CEIP A Laxe, Calvo Sotelo, Galiña Azul, Virxe do Carme |
| 12,30 | ORTIGUEIRA | C.P.I. José María Lage (outros 75 nen@s) |