A Agrupación Cultural Francisco Lanza organiza a presentación do libro “A Veiga é como un tempo distinto”, da ribadense Eva Moreda. Esta novela, que trata da emigración galega -pero sobre todo da veciña localidade da Veiga- en Londres, mereceu o premio Terra de Melide no 2010. Eva Moreda, que nestes momentos reside en Londres, estará en Ribadeo nestas datas de Nadal, e presentará a súa novela o próximo martes, 27, ás 20:30 h na Casa das Letras.