Nota de prensa
CELTAPRIX ESTÁ PROCEDENDO Á LIMPEZA DE DISTINTOS VERTIDOS INCONTROLADOS DETECTADOS NAS INMEDIACIÓNS DO MONTE CASTELO E DO PUNTO LIMPO, SEGUNDO A CONCELLEIRA DE MEDIO AMBIENTE, PATRICIA LÓPEZ. OS TRABALLOS DERON COMEZO HAI UNHA SEMANA.
A edil popular subliñou que “o personal de Celtaprix está a traballar limpando vertidos incontrolados por orde do Concello dende hai 1 semana, de feito a día de hoxe xa se sacaron 4 camións de basura, enseres, escombro e demáis útiles ”. A responsable municipal de Medio Ambiente acompañou hoxe persoalmente ao persoal de limpeza de Celtaprix para comprobar cómo se están a desenvolver todas estas tarefas.
Desde o equipo de goberno piden colaboración aos veciños de Burela “para que non tiren nada nas inmediacións do Monte Castelo nin en ningún outro sitio, porque para iso está o punto limpo onde recollen todo isto de forma totalmente gratuíta”. O horario de apertura do punto limpo para todos aqueles que queiran deixar alí cousas é o seguinte: martes e xoves de 17 a 19 horas e sábados de 9 a 13 horas.
López Eijo lembra que “outra opción é a recollida de enseres porta a porta (totalmente gratuíta tamén) que se realiza tódolos mércores. Previamente hai que avisar ao persoal do punto limpo de que se van deixar enseres e a súa localización, o teléfono ao que hai que chamar é este: 667 51 39 36”.
A concelleira de Medio Ambiente tamén aproveita para recordarlle á xente que “soamente se poderán deixar enseres na rúa os mércores, porque actualmente o persoal de Celtaprix está recollendo enseres todolos días dado que moitos non cumpren cos horarios estipulados, e evidentemente se ven un conxelador ou similar na rúa recólleno”.
Algo similar ocorre co cartón, que se recolle porta a porta os martes, xoves e sábados a partires das 11 horas. López Eijo indica que “todos aqueles que queiran que se recolla o cartón porta a porta deberán avisar ao punto limpo no mesmo teléfono e deixar o cartón na porta entre as 9 e as 10 da mañá.
Tamén quero recordarlle á xente, que os contenedores azuis de papel e cartón están para iso, o persoal de Celtaprix baleira estes contenedores os luns e venres dunha semana e os mércores da seguinte, pero en moitas ocasións está o cartón ao lado do contenedor cando os contenedores non están cheos, así que por favor, queremos pedirlles aos veciños e ás veciñas de Burela que usen estes recipientes para depositar o cartón”. A edil de Medio Ambiente engade que “ás veces tamén hai plástico tirado ao lado dos contenedores. Éstes baléiranse os luns e venres dunha semana e os mércores da seguinte, alternando coa recollida de papel”.
Patricia López Eijo pide colaboración veciñal “este equipo de goberno agradecería que as reclamacións se presenten no propio Concello aportando datos que faciliten o traballo do persoal de Celtaprix, que non está para vixiar nin para rastrear o monte buscando posibles vertidos incontrolados”.
O equipo de goberno do Concello de Burela asegura que “todo o que recolleu Celtaprix nestes últimos días xa levaba ai anos neses sitios e o anterior equipo de goberno nunca fixo nada para solucionalo”. E advirte que “o Concello estudia adoptar medidas sancionadoras contra todo aquel que tire lixo e enseres vellos en lugares inapropiados”.