Nota de prensa
Delegación de Servizos Sociais
Intenta manipular aos veciños para acadar na prensa un protagonismo perdido nas furnas
O PORTAVOZ NACIONALISTA DE LOURENZÁ CÓ SEU AFÁN DE PROTAGONISMO NON TEN REPAROS EN DESDICIRSE
Non hai recortes nos servizos sociais, mudou o regulamento que foi aprobado curiosamente co voto a favor do BNG e do PP
Coñece o concello có prisma da distancia e actúa baixo as directrices do partido que representa
Lourenzá, 25 de xaneiro do 2012.- O portavoz nacionalista de Lourenzá có seu afán de protagonismo non ten reparos en desdicirse, intenta manipular aos veciños a costa de difamacións e palabras carentes de sensatez a fin de acadar na prensa un protagonismo perdido nas furnas. Nas pasadas eleccións perdeu un edil, algo terá que ver o cabeza de lista.
Sae a prensa acusando ao equipo de goberno de recortes nos servizos sociais cando en realidade só mudou, curiosamente có seu voto a favor, o regulamento do Servizo de Axuda a domicilio coa única finalidade de adaptar o servizo ao fin para o que realmente está disposto. As dúas modificacións máis importantes van encamiñadas a, por un lado garantir a atención aos casos urxentes e por outro lado a prestar o servizo aos usuarios que realmente o necesitan, neste senso, mudou a baremación que dá aceso ao mesmo.
Saca a relucir outra vez a subida de taxas, cando estas xa foron aprobadas no mes de Novembro. Non faremos as cousas tan mal cando ten que recorrer sempre ao mesmo.
En relación a modificación da Lei de ordenación farmaceutica pola que se obriga a manter as gardas somente a aquelas farmacias que están no ámbito onde se atopan os PAC dicirlle que “ve o Concello có prisma da distancia e actúa baixo as directrices do partido que representa”.
A realidade é que a modificación da lei foi a petición e có consenso dos propios colexios farmaceuticos que ven este servizo como innecesario ao non ser utilizado polos usuarios aos que lles é máis cómodo en caso de urxencias nocturnas acudir a farmacia que está ao carón do PAC onde é atendido.
No caso do noso Concello, a farmacia laurentina non tiña usuarios deste servizo e concretamente para a xente do Val é máis cómodo mercar os medicamentos nunha farmacia de Mondoñedo que vir expresamente por eles a Lourenzá xa que o retorno aos seus fogares dende o PAC non o fan polo núcleo urbano onde está asentada a farmacia, pero, agora toca rexistrar esta moción seguindo directrices do partido e sae a relucir o único que lle importa ao Sr. Docampo, gañar puntos perante os seus.