Nota de prensa:
O CLUB NÁUTICO DE RIBADEO SACARÁ A CONCURSO NAS VINDEIRAS SEMANAS A ADXUDICACIÓN E MANTEMENTO DA MARINA SECA. ÉSTE É UN DOS PROXECTOS PARA O 2012 QUE DABA A COÑECER NAS ÚLTIMAS HORAS MARIO COTO, O PRESIDENTE DA ENTIDADE. ADEMÁIS TAMÉN ANUNCIABA QUE NON HABERÁ INCREMENTO DAS CUOTAS PARA OS SOCIOS.
Ribadeo, 3 de enero de 2012. A directiva do Club Náutico de Ribadeo ten en marcha varios proxectos para os vindeiros meses. O presidente, Mario Coto, ven de anunciar que nunhas semanas se procederá a sacar a concurso a adxudicación e mantemento da marina seca e que segue en marcha a intención de abrir un restaurante no edificio da entidade. O máximo responsable do CNR subliña que non haberá incremento para as cuotas dos socios neste 2012, que será ano de eleccións no Club Náutico de Ribadeo.
Coto adiantou que “neste 2012 a directiva ten en proxecto moitas cousas, como se soe decir o movimento demóstrase andando, o que fixemos no 2011 é difícil de superar, pero o que temos en mente para facer suporá que senon superamos igualaremos ao ano pasado”.
O presidente do Club Náutico de Ribadeo dixo que “éste será un ano de eleccións para o CNR e aí cando remate a última asamblea desta presidencia daremos conta de todo o realizado. Penso e creo que estaremos ao nivel”.
Mario Coto avanzou algúns dos asuntos nos que traballa o seu equipo para os primeiros meses deste 2012 e dixo que haberá cambios no funcionamento interno da entidade, “nas oficinas hai dúas persoas, unha que traballaba a media xornada e que pasará a facelo a xornada completa, e outra que asumirá novas funcións a partires de agora”. O responsable do CNR lembrou todo o traballo realizado, “os cursos de titulín, per e patrón de iate, que aínda están tendo lugar… queremos seguir nesa liña e queremos potenciar moito a Escuela de Vela, a pesca e o buceo. Queremos darlle realce e moita importancia a todo esto”.
O obxectivo de Mario Coto e da directiva do Club Náutico de Ribadeo “é fomentar todos os recusos que temos, porque aínda non están explotados. Ribadeo ten un potencial enorme, é un punto de referencia turístico e todo eso temos que aproveitalo e arrastrar ao resto da xente. Queremos que os nenos veñan a optimist, que os nenos dos socios disfruten de moitas actividades, queremos que todo esto siga a medrar. Todo esto redundará en que os gastos serán menores. Teremos máis nenos, coas mesmas taxas, porque non estamos pensando en subidas, tampouco haberá incrementos das cuotas sociais dos socios, aínda que temos as máis baratas da zona”. O presidente do CNR subliñou que “o club está saneado, non temos problemas económicos neste momento afortunadamente”. E engadiu que “tamén traballaremos na organización de actividades conxuntas cos outros clubes náuticos da costa de Lugo, queremos que os nenos disfruten e para eso contamos co apoio da Federación Galega de Vela, da que eu son vicepresidente”.
Circuito de turismo
Mario Coto lembrou neste inicio de 2012 que “hai unha petición enriba da mesa a Portos de Galicia para crear unha zona ou circuito de ocio e turismo nos actuais casetos dos pescadores. O Club Náutico leva o nome de Ribadeo polo mundo adiante nas diferentes competicións nas que participa e nos eventos aos que acude e todos debemos traballar e remar no mesmo sentido, desde todos os ámbitos”.
Nas vindeiras semanas o Club Náutico de Ribadeo sacará a concurso a adxudicación e mantemento da marina seca, “onde os socios depositan os barcos, os lavan e os pintan. Eles, os socios, quedarán cos mesmos dereitos que teñen na actualidade co Club Náutico de Ribadeo, só que a marina seca estará rexida por unha náutica profesional e especializada co seu risco e ventura”.
O presidente do CNR tamén aludiu á posta en marcha dun restaurante no edificio da entidade, “estamos nunha moi mala época, Ribadeo, Galicia e España vendemos turismo, estamos nos tempos nos que estamos, pero podo asegurar que ese proxecto está en marcha, o de crear un restaurante no edificio do Club Náutico. Hai tres persoas moi interesadas en que saquemos a concurso esa instalación. Desde o CNR estamos a realizar as xestións correspondentes con Portos de Galicia para modificar o tempo da concesión das instalacións co obxectivo de facer rentable a importante inversión que haberá que realizar para poñer en marcha ese establecemento”.