O día 15 entregan os premios do I Concurso de postais de Nadal de Fazouro

Nota de prensa

I Concurso de postais de Nadal de Fazouro
Xa se coñecen os nomes do gañadores do I Concurso de postais de Nadal de Fazouro organizado pola web www.fazouro.com en colaboración con Librería Bahía de Foz. O xurado, composto polos organizadores do concurso, decidiu que, das 24 postais participantes, as merecedoras do premio eran as presentadas por Celia Otero Martínez (na categoría de 0 a 5 anos); Noa Couto Hermida (na categoría de 6 a 10 anos); Diego Rodríguez Gómez (na categoría de 11 a 15 anos).Os premiados conseguiron un vale de 70€ para comprar na Librería Bahía, que ademais obsequiará a todos os participantes cun agasallo por participar.

Entrega de premios

Tanto os premios aos gañadores como os regalos a todos os participantes serán entregados o vindeiro domingo 15 de xaneiro durante unha merenda-chocolatada que se celebrará na Antiga escola de Fazouro. A asistencia á chocolatada e á entrega de premios é libre, pero recoméndase consultar toda a información a respecto disto na web www.fazouro.com