Nota de prensa
O GOBERNO MUNICIPAL DE CERVO ADOPTA MÁIS MEDIDAS PARA ECONOMIZAR E BUSCAR UNHA MELLOR EFICIENCIA NO CONSUMO ELÉCTRICO.
• ADECÚASE O GASTO ELÉCTRICO AOS TEMPO DIFÍCILES QUE ESTAMOS ATRAVESANDO COA DESCONEXIÓN DE DISTINTAS FASES ELÉCTRICAS E ALUMEADOS INTERURBANOS
• ELIMÍNANSE LUCES ORNAMENTAIS DE EDIFICIOS PÚBLICOS
• REDÚCESE UN 5% O GASTO EN CONSUMO ELÉCTRICO MUNICIPAL
O Goberno Local de Cervo continúa a traballar na liña de economizar e buscar unha mellor eficiencia no consumo eléctrico.
Hai que recordar que nestes últimos anos, xa se fixo:
– Investir máis de 300.000 € en distintas instalación de circuítos e luminarias de baixo consumo
– Asinouse un convenio coa Xunta de Galicia e a empresa Philips para a instalación de tecnoloxía “led” por uns 50.000 €.
Con estas dúas medidas o que se acadou foi un aforro mínimo, practicamente estancouse o gasto eléctrico e pouco máis, xa que por outra banda o aumento experimentado no prezo da luz nestes últimos anos foi máis que considerable, o que contrarrestou as nosas actuacións.
Agora dáse un paso máis, e vaise levar adiante unha terceira fase na que se está adecuando o gasto eléctrico aos tempos difíciles que estamos atravesando tanto os cidadáns como as administracións, para iso:
– Decídese desconectar distintas fases eléctricas, e os alumeados das zonas interurbanas tanto de Cervo como de Río Covo e San Ciprián, nestas últimas, algunhas fases xa non se conectan ao escurecer e outras desconéctanse a unha determinada hora da noite.
– Asemade, estase traballando na concienciación dos distintos departamentos do Concello para facer un mellor uso eléctrico, sobre todo nos edificios municipais, nos que incluímos os colexios de infantil e primaria sitos no noso municipio e que o Concello costea a súa factura.
– Tamén se eliminaron luces ornamentais de algúns edificios públicos.
