O PSOE de Foz denuncia o estado de abandono no que se atopa o barrio do Calvario
redac
Nota de prensa
O PSdG-PSOE de Foz denuncia o estado de abandono no que se atopa o barrio do Calvario.
O calvario, un dos barrios tradicionais de Foz, ubicado moi preto do centro urbano e de comercios de interese, presenta un estado de abandono importante, tal como reflexa a fotografía, beirarrúas polas que é imposible transitar ao estar invadidas polas silvas e as herbas, asfalto da rúa cheo de baches e moi deteriorado. O trafico nesta rúa é bastante alto debido que un importante supermercado ten a entrada o aparcadoiro precisamente pola mesma.
Os cidadáns dirixíronse ao noso grupo, para solicitar que fagamos o posible para que se tomen as medidas necesarias para solucionar os problemas que supón o desleixo desta zona no acceso as súas vivendas.
O grupo municipal socialista vai efectuar un rogo a Alcaldía para que tome nota e proceda a deixar esta zona en boas condicións.
