Ribadeo oferta múltiples actividades lúdicas para esta semana e para a que vén

Nota de Prensa

RIBADEO SOLIDARIO

MERCADO DE TROCO o xoves dia 5 no Canton a partir das 18.00 h

Neste mercadiño poderán participar todas aquelas persoas que o desexen tanto adultos como pícaros levando algunha pertenza que estando en bo estado de conservación ou funcionamento, xa non lle sexa de utiilidade e trocandoa por outra que si cumpre estes requisitos.
O obxectivo que se pretende con esta práctica é o de reparar no valor das cousas e non no seu prezo, amosando ademais o camiño de volta a un modelo máis racional e que pon no centro as relacións persoais en contraposición coas habituais prácticas consumistas.

CONCERTO SOLIDARIO NO MINI BAR o mesmo dia as 22.30 h. Prezo da entrada 5 € . O diñeiro que se recade ira integramente a programas de cooperacion.

CHARLA DEBATE VIVIR NA RUA o sábado día 7 de xaneiro ás 20:00 no Teatro. Pretende ser un espazo de reflexión e visibilización da situación na que cada vez máis persoas se atopan: a vida na rúa. Para iso contase coa participación de dúas persoas pertencentes ao grupo de inclusión social activa “Boa Vida” de Pontevedra.

Organizan: Grupo Comarcal de Ribadeo
Asociación Galega AMARANTE Setem

VOLVEN AS MÚSICAS POSIBEIS

E comezan cos MOONDOGS BLUES PARTY que presentan en  Ribadeo  o seu último traballo. Será no Teatro o 14 de xaneiro ás 21.00 h.

Prezo da entrada 3 €

*O deseño do cartel  é de Chenchu Lopez