ACIA Foz repartiu 2.400 euros en premios no mes de xaneiro no Campañazo do bingo

Nota de prensa

Celia Núñez, directiva de ACIA Foz, fíxolle entrega a Peba e á súa filla, dos vales de compra por importe de 300 euros para gastar no comercio da vila ao longo das vindeiras semanas. O acto tivo lugar na cafetería Náutico desde onde a afortunada seguiu o sorteo do Campañazo do bingo o pasado venres. A Asociación de Comerciantes, Industriais e Autónomos de Foz agradece a Radio Foz a súa colaboración para levar adiante os sorteos e tamén aos establecementos participantes. Durante o mes de xaneiro ACIA Foz repartiu finalmente 2.400 euros en premios. O presidente, José Carlos Paleo, amósase satisfeito porque esta nova edición do Campañazo do bingo “foi un éxito, ao igual que as anteriores”.