Nota de presna
Os segredos dos instrumentos musicais en Galicia no I.E.S. Perdouro en Burela
Mañá, venres, 17 de febreiro, ás 11:30 da mañá, recibiremos no I.E.S. Perdouro a José María Álvarez Marías, fundador da “Escola de Gaitas de Ortigueira” e do tan recoñecido “Festival Internacional do Mundo Celta”. Nunha charla-coloquio explicará ao alumnado de 2º de E.S.O. os aspectos fundamentais dos instrumentos da música tradicional galega e presentaralles uns 30 instrumentos dos máis característicos de Galicia, interpretando algunhas pezas e ritmos tradicionais.
A actividade está coordinada polo Departamento de Música e pola Área de Innovación Educativa no ámbito lingüístico do I.E.S. Perdouro.