Profesorado dos IES de Foz, Alfoz e Ribadeo contra o anteproxecto de Lei de Medidas no Emprego Público

Nota de prensa

Hoxe, xoves 16 de febreiro, o profesorado do IES de Foz concentrouse ás 11.30, no recreo, contra o Anteproxecto de Lei de Medidas no Emprego Público. A Xunta de Galiza confirmou a súa aposta pola vía da imposición fronte á negociación durante a reunión da Comisión de Persoal que tivo lugar este mércores por mor do anteproxecto de Lei de Medidas Extraordinarias no Emprego Público. As organizacións sindicais votaron en contra deste texto e volveron demandar a retirada deste proxecto de lei que suporá un grave recorte dos dereitos laborais e económicos do persoal aos servizo das administracións galegas e un deterioro na calidade dos servizos públicos.