Nota de prensa
Sonda Norte e o Centro de Información ás Mulleres de Ribadeo están traballando
nun proxecto coeducativo que rematará coa gravación dun LIPDUB.
Mulleres de Ribadeo promova todo tipo de proxectos educativos coa mocidade alén
das fronteiras do cotián. Aínda non ben rematada a gravación da curta produto do III
Concurso de guións cinematográficos, o CIM embárcase noutro proxecto, desta vez en
colaboración coas concellarías de Cultura e Mocidade e coa plataforma SONDA NORTE,
que fai uns días presentou a súa identidade visual e a programación a desenvolver no
2012.
Esta actividade pretende ser un lugar de encontro entre as creadoras e creadores
locais e a mocidade a través do desenvolvemento dun programa que vai desde a
formación na composición de letras non sexistas ata a posta en escena e posterior
gravación dun LIPDUB, unha especie de video musical gravado nun plano secuencia no
que as persoas participantes cantan en playback . O proxecto recollerá tamén a
convocatoria dun certame entre os grupos de Ribadeo para poñerlle música á letra
resultante do proceso de formación así como o deseño dunha coreografía axeitada
tanto á letra como á localización da gravación.
Os obxectivos principais desta proposta pasan por promover o emprego do galego nas
letras das cancións, sensibilizar á mocidade sobre a igualdade de xénero e a
importancia da súa transmisión no ámbito cultural así como por estimular fórmulas de
participación e colaboración nas que o Concello de Ribadeo xa é un referente.
A xuntanza de onte na Casa da Xuventude de Ribadeo é o punto de partida desde
proxecto, un dos moitos eventos nos que veremos participar a SONDA NORTE ao longo
do ano, e do que iremos sabendo máis no mes de marzo.