O meu grao de incultura tecnolóxica e de modernidade debe ser proporcional ao grao de jilipollez dos idem. A mini colección de palabras mal soantes e expresións prescindibles precedentes, pretenden exteriorizar o meu cabreo co animo colonizador que permitimos e do que desfrutamos na ignorancia que nos caracteriza. Céntrome. Onte escoitei na tele a un señor que repetía con insistencia vomitiva “foi trending topic”, “chegou a ser o trending topic do día”. E así ata que me decatei que podía apagar a tele coa tecla off. Ben, pois co off deixei de oir o do trending topic e acouguei o corpo . Xa sei que vostede pode pensar que todo isto non lle interesa. Si é así pare de ler. Reláxese e sírvase un gin tonic, alguén o invitará. Máis explicolle, todo isto ven a conto de que o tema do momento actual, en canto a bebidas, é a tónica con xenebra, pero estou desconectado dese tema.
