Sábado, día 24 de marzo, ás 20 horas, no Salón de Actos da Casa da Cultura de Alfoz, haberá un concerto na que participarán rapaces das Escolas de Música da Mariña. O acto está enmarcado dentro dos Sábados Culturais de Alfoz e nesta ocasión conta coa inestimable colaboración do gran músico Xan Carballal. No acto participarán 52 músicos novos, que actualmente están estudando nas Escolas de Música de Burela, Mondoñedo, Ribadeo e Xove. Diversos grupos de corda, vento e metal interpretarán un total de once temas musicais, entre os que estarán pezas de Boccherini, Beethoven, Telemann, Bach, Sibelius, U2 ou algunha peza de carácter popular.