Librería Bahía de Foz, integrada no club Kirico con 93 librerías, presenta unha guía de literatura infantil

As librerías Kirico vístense de vermello en toda España

Con motivo da chegada ás librerías da publicación 150 libros infantiles para leer y releer, os escaparates das librerías Kirico vístense de vermello: vermello para facerse visibles, vermello que simboliza a vida, a acción, o movemento tan necesarios en tempos en que a cultura, o mundo do libro parecen ser prescindibles.

Esta guía é o froito dunha coidada selección realizada polos libreiros e libreiras do club Kirico xunto coa especialista Ana Garralón máis o equipo de A Mano Cultura, para ofrecer aos seus lectores un conxunto de libros imprescindibles no seu crecemento lector, pola súa calidade literaria ou polas súas excelentes ilustracións que componen interesantes historias dirixidas a afianzar lectores.

O club kirico é un grupo de 93 librerías infantís asociadas, pertencentes á Confederación Españla de Gremios e Asociacións de Libreiros CEGAL e repartidas polo territorio español, que se agrupan en 2003 coa intención de compartir esforzos na súa tarefa cultural, especialmente centrada na selección de obras infantís e xuvenís para os seus lectores.

Facemos ademáis coincidir a presentación de esta guía coas datas próximas ao día do libro infantil e xuvenil que é o 2 de abril, data do aniversario do nacemento de Hans Christian Andersen.

Desde a LIBRERÍA BAHIA unímonos á proposta e esperámosvos coma sempre en Avenida da Mariña, 40 en Foz.
Remitido