O PP de Ribadeo e NNXX celebrarán o Día Internacional da Muller cunha actividade denominada “Enlázate”
Nota de prensa
Día Internacional da Muller:
O PP de Ribadeo e NNXX celebrarán o Día Internacional da Muller cunha actividade que leva por nome “ENLÁZATE”.
Consiste en expresar os sentimentos que a cada persoa lle produce este Día, nun lazo de cor malva e colgalo, formando unha homenaxe cariñosa e á súa vez reivindicativa, na oficina de turismo antiga. A participación está aberta a toda aquela persoa que o desexe: mulleres, homes, de diferentes idades, profesións, lugares, etc.
Poden ser mensaxes adicados ás mulleres, escritos con elas, ou por elas mesmas.
Para participar, haberá cintas en Foto Miguel, na Xoiería Azabache e en Multitienda Teresa dende o xoves pola tarde. Ademais o sábado, a partir das 18:30, na oficina de turismo, pódese coller o lazo, escribilo e colgalo xa, no momento. Tratarase de encher de lazos, cor e sentimentos a oficina, durante dúas horas.
Ás 20:30 a parlamentaria do grupo popular Emma Álvarez Chao, pechará esta homenaxe a todas as mulleres.