O AUDITORIO ACOLLE MAÑÁ UNHA CHARLA SOBRE A PREVENCIÓN E A MELLORA DA SEGURIDADE DAS PERSOAS MAIORES.
Ribadeo, 10 de abril de 2012. O Cine Teatro de Ribadeo acollerá mañá, 11 de abril, ás 18 horas unha charla sobre a prevención e a mellora da seguridade das persoas maiores.
O Plan maior seguridade da Garda Civil pretende previr as principais ameazas que afectan á seguridade dos maiores, como roubos, hurtos, estafas e uso fraudulento das súas propiedades e fondos, contas e cartillas de aforro por parte de terceiras persoas. Outro dos obxectivos é fomentar a confianza deste colectivo nas forzas e corpos de seguridade do Estado e o desenvolvemento de condutas proactivas para a denuncia de situacións e delitos dos que poidan ser vítimas e tamén perfeccionar a resposta policial na súa actuación con persoas maiores.
A charla de mañá está organizada pola Garda Civil e conta coa colaboración da Concellaría de Servizos Sociais de Ribadeo.