Os votos do público asistente ó Ciclo de Teatro Domingos a escena decidiron por cuarto ano consecutivo outorgarlle ó grupo de teatro O Bordelo de Cervo un lugar de preferencia entre as vinte e seis compañías galegas que participaron nesta XII Edición do prestixioso certame de teatro afeccionado celebrado cada domingo ,desde Setembro a Abril, no Centro Cívico de Caranza, en Ferrol.
Nesta edición o grupo cervense volveu quedar clasificado en segundo lugar ó representar en Decembro pasado a peza Quintana de Vivos , anguria dos orfos posta en escena por María Paz Rodriguez Silva, Dolores Viamonte Rey, Xosé Manuel González- Copa , Antonio González Villares- Patoso e Francisco Piñeiro González , autor e director da mesma.
Para os compoñentes do grupo de teatro O Bordelo acadar un primeiro posto e tres segundos consecutivos nun certame que convocou este ano 5460 espectadores , cunha media de 219 por sesión, supón un recoñecemento público do seu esforzo e tenacidade e unha satisfacción que queren compartir con tódolos colectivos escénicos da Mariña e con todos os amantes da escena.