O PP local pídelle ao alcalde que antes de sinalizar as prazas de aparcadoiros no entorno da Fonte Vella reúna aos veciños afectados
O grupo local pídelle ao rexedor mindoniense que escoite aos veciños que veñen de xeito reiterado protestando polas obras executadas nese entorno e non queren sufrir máis trastornos ao prohibir o estacionamento
Mondoñedo, 4 de abril de 2012- O Partido Popular de Mondoñedo ponse a disposición dos veciños das rúas afectadas para tratar de buscar a alternativa menos mala a prohibición dos aparcadoiros nese entorno.
A portavoz do Partido Popular, Elena Candia, reiterou o compromiso do Partido Popular cos veciños que de xeito inxustificado veñen sufrindo os trastornos dunhas obras, que sempre consideraron mal planificadas e criticaron o arranxo de beirarrúas que recentemente foran renovadas
Candia pídelle ao rexedor que escoite aos veciños afectados e negocios nun momento económico tan delicado para Mondoñedo.
A política sancionadora en materia de tráfico vén sendo rexeitada enerxicamente por parte do PP local, dado o prexuízo económico que supón para os veciños e veciñas da localidade, e sendo tan insensible como o feito de sancionar nas proximidades do centro de saúde as persoas que veñen a urxencias, ante unha situación de inmediatez e sancionando, cando por parte do equipo de goberno, NON SE OFRECEN ALTERNATIVAS PARA ESTACIONAR
Candia cre que esta actitude de procura de consenso e de solucións sempre a prol dos traballadores é a pauta de traballo a seguir, antepoñendo sempre a actividade económica dos negocios e autónomos das rúas afectadas. Candia cualifica de irresponsable o proceder dun goberno bipartito que leva tres anos sen preocuparse por unha problemática que conlevou importante perdas económicas no concello nos negocios que non poden atraer aos clientes que estacionan para mercar e levan unha sanción económica.